گوزون فداسییام گوزه لیم

سنین گوزه للیگی نین مبتلاسییام ، گوزه لیم

او قارا گوزلرینین جان فداسییام ، گوزه لیم

منیم بو ناله مین هر بیر کونولده وار اثری

شکسته نئی کیمی روحون غذاسییام ،گوزه لیم

کمند زولفونه من تک اسیر اولان یوخدور

هامیدان عاجیزی ،بختی قاراسییام ، گوزه لیم

بلالی عاشیقینم ، باخما غئیرلر سوزونه

محبت عالمینین ،بینواسییام ، گوزه لیم

ائله نه ظلم واریندیر ، اگر ، دیلیم یانسین

دئسم ، جفالارینین نارضاسییام ، گوزه لیم

یولوندا منتظرم ، جان وئریم گوره نده اوزون

جفا چکن لرین اهل وفاسییام ، گوزه لیم

اگرچی ، واحدم ، اغیارا باش اه ین دئییلم

فقط سنین سر کویون گداسییام ، گوزه لیم

شعر از استاد علی آقا واحید

منبع: http://reza1995.blogfa.com/